शिवालय बाल क्लब पुनर्गठन

 

थुम्की (रूपा), जेठ ४ गते । कास्की रूपा गाउँपालिका-२, थुम्कीस्थित शिवालय माविमा क्रियाशील शिवालय बाल क्लब शुक्रवार पुनर्गठन गरिएको छ ।

विद्यालयमा आयोजित बालभेलाबाट क्लबको अध्यक्षमा बिनम ओझा, उपाध्यक्षमा रश्मी परियार, सचिवमा मुस्कान विक, कोषाध्यक्षमा युनिक ढकाल र सहसचिवमा सन्देश गौतम सर्वसम्मत चयन भएका छन् । त्यसै गरी सदस्यहरूमा करण ओझा, साजन ओझा, आश्विन सुवेदी, स्मारिका थापा, अस्मित बस्नेत, सलिना परियार, पूजा सुवेदी, दीपिका पौडेल, सङ्गम सुवेदी, सञ्जोग भुसाल, कुशल सुवेदी, सुप्रिम ओझा, सुनिसा विक, एन्जल गुरुङ, प्रमिला सुवदी, सफल परियार, शिव गुरुङ, सुमन गुरुङ र अस्मी तामाङ चयन भएका छन् । शिक्षक संयोजकमा रस्मिला खनाल रहेकी छन् ।

चुनिएका पदाधिकारहरूलाई विद्यालयका सहायक प्रधानाध्यापक ऋषिराम ओझा र गोनेसाका प्रतिनिधि विवेक श्रेष्ठले बधाई दिएका थिए । क्लबले जन्मदिन कोष स्थापना गर्नुका साथै नियमित रूपमा भित्तेपत्रिका प्रकाशन, अतिरिक्त क्रियाकलापलगायतका गतिविधि सञ्चालन गर्दै आएको छ ।