पोखरा । शिवालय माध्यमिक विद्यालय, रूपा-२, थुम्की, कास्कीमा शुक्रबार आधारभूत तहस्तरीय वक्तृत्वकला प्रतियोगिता सम्पन्न भएको छ ।
शिवालय बाल
क्लबको आयोजनामा भएको प्रतियोगितामा आधारभूत तह (१-५) मा ‘हाम्रो विद्यालय’
शीर्षकमा प्रतियोगीहरूले आफ्ना विचार राखेका थिए । उक्त तहमा दीपेश पौडेल, साजन
ओझा, अस्मित बस्नेत र मेरिसा रुपाखेती पहिलो, दोस्रो, तेस्रो र सान्त्वना भएका थिए
। यस्तै, ‘आधुनिक कृषिमा प्रविधिको महत्त्व’ शीर्षकमा वक्ताहरूले आफ्ना भनाइ
राखेका आधारभूत तह (६-८) को प्रतियोगितामा करुणा ओझा, विनम ओझा, कुसुम सुवेदी र
सागर ओझा क्रमशः पहिलो, दोस्रो, तेस्रो र सान्त्वना भएका थिए । प्रतियोगितका विजेताहरूलाई
रूपा गाउँपालिकाका शिक्षा शाखा प्रमुख सन्दिप पौडेल र राइट फर चिल्ड्रेनका रविन
नेपालीले पुरस्कार वितरण गरेका थिए ।
प्रतियोगिताका
निर्णायकहरूमा नेपाली विभागका प्रमुख रामबहादुर माल, शिक्षिका शान्ता तिमल्सेना र
लक्ष्मी न्यौपाने रहेका थिए । बाल क्लबका अध्यक्ष निश्चल ओझाको अध्यक्षतामा भएको
कार्यक्रममा विद्यालयका प्रधानाध्यापक रुपिन्द्र प्रभावी, आधारभूत तह इन्चार्ज
विश्वनाथ सुवेदी, क्लबका पूर्वअध्यक्ष पुरुषोत्तम ओझा, शिक्षक सुकबहादुर
थापालगायतले बोलेका थिए । पुरस्कृत विद्यार्थीहरूका लागि पुरस्कारको प्रायोजन राइट
फर चिल्ड्रेनले गरेको थियो ।
कार्यक्रमको
सञ्चालन सचिव धिरज सुनार र सदस्य सुमीक्षा परियारले पालैपालो गरेका थिए । स्वागत
सहसचिव प्रशान्त ओझाले गरेका थिए । पाक्षिक रूपमा भित्ते पत्रिका प्रकाशनसँगै
विद्यार्थीका प्रतिभा प्रस्फुटन र बालअधिकारसम्बन्धी कार्यक्रम गर्दै आएको बाल
क्लबले आगामी दिनमा क्रमशः यस्ता कार्यक्रम सञ्चालन गर्ने फोकल पर्सन रस्मिला
खनालले बताइन् ।
कार्यक्रमका केही झलकः
No comments:
Post a Comment
shivalayaschool2017@gmail.com